Հայկական պետությունը չպետք է մարի էներգահամակարգի պարտքերը, լրագրողներին ասել է Հայաստանում Արժույթի միջազգային հիմնադրամի առաքելության ղեկավար Մարկ Հորթոնը:
«Վերջին 2-3 տարիներին մենք նկատում ենք, որ էլեկտրաէներգիայի ոլորտում պարտքեր են կուտակվում: Այդ պարտքերը պետության ուսերին չդնելու համար Ֆինանսների նախարարությունը պետք է ուշադիր հետեւի խոշոր ձեռնարկություններում այդ պարտքերի գոյացմանը», նշել է Հորթոնը:
Նա ասել է նաեւ, որ գազի ոլորտում պարտքի գոյացման իրավիճակից հետո պետությունը չպետք է իր վրա պարտքային նոր պարտավորություններ վերցնի:
Հիշեցնենք, որ անցյալ տարի Հայաստանը Գազպրոմին է վաճառել գազաբաշխիչ համակարգի վերջին 20 տոկոս բաժնեմասը, անհասկանալի է որտեղից առաջացած 300 միլիոն դոլար պարտքի դիմաց: Չի բացառվում, որ նման բան է պատրաստվում էլեկտրաէներգետիկայի ոլորտում գոյացած պարտքերի կապակցությամբ:
Հատկանշական է, որ էներգետիկ ընկերությունները, որոնք Հայաստանում պարտքեր են կուտակում, հիմնականում ռուսական պետական կորպորացիաներն են՝ Գազպրոմ, ՌԱՕ Ինտեր, որին պատկանում են հայկական էլեկտրացանցերը:
Փաստացի, ԱՄՀ-ն Հայաստանին սենսացիոն կոչ է անում՝ բավական է վճարել ռուսական ընկերությունների կուտակած պարտքերը: Բավական է վարկեր վերցնել ԱՄՀ-ից, համաշխարհային բանկից եւ դրանցով «մուծվել» ռուսական պետական կորպորացիաներին:
Արդյոք հայկական ղեկավարությունն ականջալուր կլինի ԱՄՀ-ի կոչերին: Արդյոք միջազգային կառույցները կհրաժարվեն Հայաստանի վարկավորումից, որպեսզի նա «չմուծվի»:
Հայաստանի ֆինանսների նախարարը եւ Համաշխարհային բանկի հայաստանյան գրասենյակի ղեկավարը երեկ վարկային համաձայնագիր են կնքել, ըստ որի Վերակառուցման ու զարգացման միջազգային բանկը Հայաստանին 52 միլիոն դոլար վարկ է տրամադրելու էլեկտրամատակարարման համակարգի բարելավման (ETNIP) համար:
Հայաստանի ու Ռուսաստանի հարաբերությունները կառուցվում են «գողական» օրենքներով, որոնք հանգում են ռեկետին: Հայաստանն արդեն երկար տարիներ «մուծվում» է: Սակայն, դատելով ամեն ինչից, միջազգային կառույցներին ձանձրացրել է այս ամենը, եւ նրանք Հայաստանին կոչ են անում դուրս գալ այդ սխեմայից:
ՆԱԻՐԱ ՀԱՅՐՈՒՄՅԱՆ
Kafkassam Editör
Yeni bir dünyaya uyanmak, dünyayı yeniden okumak isteyenler için, söylenecek sözü olanlar için merkezi Ankara’da olan KAFKASSAM’ı kurduk. Erivan, Bakü, Tiflis, Tebriz, Grozni, Moskova, Mahaçkale, Nazrin, Nalçik, Saratov, Ufa ve Sochi’de ofislerimiz temsilcilerimiz var. Kafkassam genelde kafkasya çalışmak için kuruldu Kafkasya genelinde çalışır. Ermenice Rusça Gürcüce İngilizce dillerinde yayın yapan kafkassam genç akademisyen ve stratejistlerle çalışmaya özen gösterir. KAFKASSAM’ın internet sitesi 2 Ocak 2010’da yayına girdi. İnternet sitesinde Kafkasya’daki ülkeler ve Türkiye ile ilişkileri hakkında makaleler, ropörtajlar, analizler ve yorumlara yer verilmektedir.