Vizyon

Rəsmi İrəvan iki yol ayrıcında: kimin sifarişinə oynamalı?!….

İran açısından Suudi Arabistan’ın yeni veliahtı

Alman Gizli Servisi BND Cermen İslam’ını piyasaya sürdü!

Rusya Türkiye arasında domates krizi ve sorunun basit çözümü

Ներդրողները Հայաստանում ամենամեծ ռիսկերի են ենթարկվում. ՀԲ զեկույց

Ermenistan 18 Haziran 2017
41

Հայաստանում 2014-2016 թվականներին օտարերկրյա ուղղակի ներդրումների հոսքն ուղղվել է հիմնականում այլընտրանքային և վերականգնվող էներգետիկայի և կոմունիկացիաների ոլորտներ: Այս մասին նշվում է Համաշխարհային բանկի «Հայաստան. երկրի համակարգված գնահատում» զեկույցում:
Այս ընթացքում կատարված օտարերկրյա ուղղակի ներդրումների 50 տոկոսը հենց այս ոլորտներ է ուղղվել: Ըստ զեկույցի՝ ներդրումների 23 տոկոսը կատարվել է ֆինանսական ծառայությունների, 11 տոկոսը՝ փոխադրումների, 7 տոկոսը՝ պարենամթերքի և ծխախոտի, 6 տոկոսը՝ ՏՏ ծառայությունների ոլորտներում:
Համաշխարհային բանկի մասնագետները բավարար չեն համարում Հայաստանի ջանքերը՝ ուղղված ներդրումներ ներգրավելու հարցում:
“Աշխարհում ապրում է 9-11 միլիոն հայկական ծագում ունեցող մարդ: Լիարժեք օգտագործված չէ սփյուռքի ներուժը՝ ի աջակցություն միջազգային առևտրի ծավալների, ներդրումային հոսքերի ավելացման, գիտելիքի փոխանցման և նորարարության: Ողջ աշխարհում որևէ երկրի սփյուռքի մեծությունը փոխկապակցված է առևտրի և ներդրումների հետ: Հայաստանում թույլ է կապը միգրանտների գտնվելու վայրի, առևտրի և օտարերկրյա ուղղակի ներդրումների միջև”, նշվում է զեկույցում:
ՀԲ մասնագետները խնդիրներ են բացահայտել նաև գործարար ու ներդրումային միջավայրի հետ կապված:
Ըստ զեկույցի՝ գործարար միջավայրը բարելավվել է, սակայն իրականացումը հետ է մնում:
Գործարարությամբ զբաղվելու դյուրինության համաթվով 2010 թվականի 61-րդ տեղից 2017 թվականին Հայաստանը բարձրացել է 74-րդ դիրքի: Գլոբալ մրցունակության համաթվով երկիրը բարելավել է դիրքերը՝ 2009-10 թվականների 97-րդ տեղից 2016-17 թվականներին հասնելով 79-րդին: Բայց երկրում իրական մրցակցային շուկան բացակայում է:
Ըստ զեկույցի՝ Հայաստանում գործարարությամբ զբաղվելիս, Եվրոպական և Կենտրոնական Ասիայի այլ երկրների համեմատ, ներդրողները ամենամեծ ռիսկերի են հանդիպում:
“Ենթադրյալ ռիսկերը կապված են անձնական շահերի և հովանավորչության և անբարեխիղճ մրցակցության դրսևորումների հետ”, շեշտում են զեկույցի հեղինակները:
Մրցակցային շուկայի բացակայությունն արտադրական միջոցներ ապահովող ոլորտներում՝ երկաթգիծ, կոմունալ ծառայություններ, ինտերնետային կապ, լրացուցիչ ծախսեր է առաջացնում Հայաստանում գործող ընկերությունների համար և նվազեցնում է նրանց մրցունակությունը: Գնումների գործընթացում մրցակցության և պետական օժանդակության թափանցիկության պակաս կա:
“Մասնավոր ընկերությունները կաշկանդված են շուկաներ մուտք գործելու և աճելու ունակության առումով: Նոր ընկերությունների՝ մուտքի տեմպի աճը դանդաղ է: Փոքր ընկերությունները դժվարությունների են հանդիպում մեծանալու առումով, ինչը վկայում է մուտքի զգալի խոչընդոտների առկայության մասին”, նշում են զեկույցի հեղինակները:
ՀԲ մասնագետները Հայաստանի կառավարությանն առաջարկում են աջակցել մասնավոր ընկերությունների մուտքին, աճին և ելքին՝ հետևյալ եղանակներով: Նախ պետք է շտկել ներդրումների միջավայրի մասով իրավակարգավորման և իրականացման դաշտում առկա բացերը և հզորացնել իրավակարգավորումների փաստական, խորհրդակցական և ինստիտուցիոնալ բազան: Պետք է ամրապնդել մրցակցային օրենսդրության արդյունավետությունը՝ կարգավորման ազդեցության գնահատման մեջ ներառելով: Պետք է ներդնել իրական հետաքննչական լիազորություններ, ճշգրտել տուգանքների մակարդակը, հաշվառել մեկ միասնական վերահսկողության ներքո գործող առանձին ընկերություններին, ապահովել մրցակցային չեզոքություն, հզորացնել շահերի բախման շրջանակը և հետամուտ լինել առանձին դեպքերի:

ՌՈԶԱ ՀՈՎՀԱՆՆԻՍՅԱՆ

Yorumlar